Versi composti in occasione della storica venuta di Papa Giovanni Paolo II a Palermo il 20 e 21 novembre 1982.
Grande fu l’aspettativa.
Si scrisse sui giornali, ci furono convegni, le strade vennero transennate.
Ho immaginato subito una seconda venuta perché la prima non svanisse come un folata, così come svanirono le chilometriche transenne, rastrellate dai magri rivenditori di ferro vecchio, nella stessa notte della sua partenza.
Vinni lu Papa
Vinni lu Papa e fici un gran casinu,
vinni lu Papa e fu gran pompa magna,
vinni lu Papa duoppu tanti inviti,
mièritu nn’appi Totò lu Cardinali.
Vinni lu Papa e vinni vulannu,
di l’alicottiru jiva binidiciènnu,
e ppi li strati strati di Palermu
cci fu na fuddra enormi a mari magnu.
- Si vidi – Nun si vidi – Unn’ammuttati –
- Figli di... bona matri, lu mè caddru –
- Viva lu Papa! – Cumpari n cantunera.
Lu Cardinali, ncapu a Land Rover,
secunnu mia avia sti pinzera,
stannu a l'addritta a hiancu di lu Papa
(di cuntintizza lu cori ci scuppiava):
- Talè! Chi fuddra, nun mi l’aspittava!
Pàrinu surdi comu li campani
quannu ci dicu: “Fratelli, jiti n chjesa”,
e ora sunnu ccà a battiri mani.
S’iu fussi Papa, ssa festa fussi mia,
e a latu avissi stu babbu di Woitila.
La festa durà un juòrnu, cchjù o menu,
ma duoppu tanti applausi e fistini,
iu m’addrumannu: “E ora chi nn’arresta?
Sulu li marciapeda senza crusti,
barcuna rutti vistuti di stoffa
e quarchi strata secunnaria senza scaffa”.
Un disidderiu mi resta ancora a fari:
Ca, si per casu, Santità, scinniti arrieri,
e passiriti lu Strittu ncapu un Ponti,
sss! un lu diciti, scinniti a l’ammucciuni,
ccussì viditi, senza suonu e banna,
n mani a cu sièmmu.
E comu nni cumanna.
in Pensamenti, Coppola Editore, Palermo 2008
 |
| Brancaccio, area dove sorgerà la chiesa dedicata al Beato Padre Pino Puglisi |
Nessun commento:
Posta un commento