"Poesia è donna: poetesse del nisseno" - IX edizione. Manifestazione svoltasi presso l'IISS "S. Mottura" di Caltanissetta e organizzata dalla Società Dante Alighieri (Presidente Marisa Sedita Migliore) e dal Lions Club di Caltanissetta (Presidente Salvatore Vancheri). Con la partecipazione di poetesse e poeti del nisseno e non solo.
Ph©Renato Riggio
 |
| Ph©Renato Riggio |
1. C'ADDIVENTA?
Squama dopo squama
disveliamo la delizia…
La donna è na cacuocciula spinusa,
na foglia n capu l’antra cafuddrata,
parissi hiuri, ammeci nun è rosa
e ccu la vidi ppi la prima vota
nni sta luntanu pi nun si spinari
ma si la sapi buonu cucinari,
altru chi carni o brodu di manzu!
a muzzicuna si mancia anchi lu trunzu!
Li pampini si spurpa ad una ad una,
zuccaru sunnu, lu fannu arricrijari.
Altru chi cosa dunci, altru chi rosa!
Era cacuocciula e ora c'addiventa?
Li stessi spini parinu brillanti.
Si resta spanti, la vista s'arriposa.
Nun sulu chissu... ma cu ogni spina
si pò ncunnari na cruna di rigina.
2. MENTRI TUTTU AFFUNNA
Nelle guerre moderne nessuno può dire: ‘Ho vinto’.
Quando hai provocato 50 milioni di morti, che hai vinto?
Antonio Zichichi, Intervista su “Il Fatto Quotidiano”, 30 novembre 2012
C’è baraunna, granni baraunna:
guerri, ricchizzi… mentri tuttu affunna.
Firmàtili li guerri, nun è suonnu.
La guerra è sulu una nni lu munnu.
Anzi, su’ du’. Su’ quattru. Su’ tri.
La fami, la morti e cu s’arricchì.
Firmatili li guerri, no pi diri,
portanu ogni cosa a lu muriri
Firmatili, dannati, un'ura prima
si l'omu lu cunnuci a la ruvina.
Stangati li porti di la scienza,
Si nesci morti datici scadenza.
La terra friji. L’aria si mmilena.
Nenti s’aggiusta cu na quarantena.
Firmati carri armati e bummi a manu,
sciarri pi filazzola senza nomu.
Nuddru pò diri "vinciri! vincivu!"
La guerra è morti, superbia, currivu.
Fuddria, la guerra; di morti, firriu.
C’è baraunna, granni baraunna:
guerri... c'è fami… mentri tuttu affunna.
