DECI, CIENTU CITALENI
Pinzannu surfarara e salinara
Testo di Piero Carbone - Musica di Domenico Mannella
Coro polifonico "Terzo Millennio"
Voce solista: Lillo Bellomo
Voce recitante: Giacomo Orlando
Autore del murales "Oro giallo": Nicolò Rizzo
TESTO
I
Deci, cientu citaleni
Vannu muti in prucissioni.
Nun c’è santu di prigari
Vannu tutti a travagliari.
Nun su stiddri scuru scuru,
Chi s’annacanu mbriachi
Salinara surfarara
Vannu tutti a la carnàla.
II
Li lassaru nni lu liettu:
Matri, figli e la muglieri.
Vannu lienti a la pirrera:
annu nivuri pinsera.
A lu mpiernu si nni vannu
Si nni vannu a sipultura
Granni nichi nudi scanzi
Assuppati di sudura.
III
Lustru c’è di citalena
Senza vientu s’arrimina
Li lumeri nni l’abissi
Si s’astutanu su piersi.
Lu carusu sputa sangu
Lu patruni spatrunìa
Fumu c’è ma nun è nciensu
Cu nun prega bastimìa.
IV
Pi campari la famiglia
Quattru sordi maliditti
Si la morti traditura
Nun li scaccia e si l’agliutti.
L’acchianaru comu cristi.
Lu parrinu avi la stola.
Li muglieri a li tabbùta
Ci li scippanu li chiova.
Versi recitati sul motivo dell'ultima strofa sussurrata quasi a bocca chiusa:
I
Surfaru surfaru, lacrimi di sali
Agghiorna, scura, sempri a travagliari.
II
Surfaru, surfaru, sangu di cristiani,
cuniglia ncunigliati nni li tani.
III
Piersi nni li vudeddra di la terra
Assaccavanu lastimi e lamenti
IV
Cantavanu a cuorpi di picuna,
Na vota, ora nuddru cchiù li senti.
*
Nessun commento:
Posta un commento
commenta e condividi, se vuoi