Ballata per Giovanni Falcone e Paolo Borsellino
Musica di Antonio Zarcone – Testo di Piero Carbone
I
Du angili su in cielu senza curpa,
la curpa è tò, è mia, è di tutti,
la curpa è si unu si nni futti,
si l’uocchi nn’attuppammu ccu la stuppa.
Giuvanni e Paulu ddrà a la Magiuni,
eranu allegri e ficiru un suonnu:
Palermu tutta di rosi e hiuri,
a la Sicilia daricci l’onuri.
Rit.:
Sangu russu, sangu sparsu.
Mafia porta sulu attassu.
Ma sta pesti dunni vinni?
Dunni vinisti, ti dicu, vatinni!
II
Ficiru un pattu li magistrati:
fari la guerra a li mafiusa;
ma pi la genti putenti e odiusa,
scuppiaru all’ariu comu maschiati.
Pari putiri ca porta mpurtanza,
sordi e pulitica, inchi la panza.
Grida, dicilu forti, dicilu forti:
la mafia porta lu chiantu e la morti.
Rit.
III
Quantu nn’a vistu sta terra bbuttana.
Quantu nn’avutu mussìla e capistri.
Quantu cristiani ammazzati pi nenti.
Amara Sicilia, Sicilia nnuccenti.
Ora a lu Chianu vuogliu cantari
E a lu munnu fari sapiri
Tutta la storia di Paulu e Giuvanni
Ca la so lotta li fici granni granni.
Nessun commento:
Posta un commento