BALLATA PER ROBERTO. Tu tuppía forti

Tuppìa forti
Ballata per Roberto

Testo di Piero Carbone

I
Li palori ìnchjinu lu munnu
e lu munnu li scarpisa comu pira.

Tu fusti studiusu di valuri.
La vita tu ci dasti a li palori.

Anniviscisti li palori muti
iddri s'arrigordanu di tia.

Amicu di cantanti e truvatura,
Suca stu prunu la sorti dissi a tia

II
Essiri. Unn’essiri. Duranu un mumentu.
Palori, cristiani: siemmu, vientu.

Nuddru ci cridi ancora e nun ci critti.
Lassasti la porta aperta e ti nni jisti.

Ti cercanu l'amici babbiannu.
Si tu li sienti pirchì nun ci arrispunni?

- Pirchì è chissu lu dubbiu di la morti.
Però, pi si e pi no, tu tuppìa forti.

Palermo, Ferragosto 2021

 

Foto scattate all'Orto Botanico di Palermo (Una marina di libri 2017)

e al Convengo Internazionale AIPI (Siena 2018).

Interventi di Roberto Sottile in due diversi contesti a lui consoni.

ph© piero carbone